Bəzən evdən çıxanda siqaretimi özümlə götürmürəm.
Bəzən hansısa ziyafətdə olanda şirniyyat yemirəm.
Baxmayaraq ki, bütün bunları etməyi kifayət qədər çox sevirəm, lakin bəzən iradəmi rəndələmək üçün iradəmi itiləmək naminə sevdiyim və istifadə etdiyim şeylərdən özümü uzaq tuturam.
İradəmiz daima saz və işlək vəziyyətdə olmalıdır ki, bizi gözləmədiyimiz zamanda və məkanda pis vəziyyətdə qoymasın, nəyinsə əsirinə çevirməsin.
İllər öncə yazdığım məqalədə dediyim kimi, sahib olduğumuz şeylərdən asılı olduğumuz zaman onlar bizə sahib olmağa başlayır. Sahib olduğumuz şeylərin bizə sahib olmaması üçün ətraf-mühitdən aslılığımızı minimumda saxlamalıyıq. Bu asılılığın artdığını hiss etdiyimiz zaman həyəcan təbili çalmalıyıq və dərhal nələrsə etməyə başlamalıyıq.
Azad və müstəqillik təkcə istədiyini etmək və deməklə məhdudlaşmamalıdır. Bəzən azadlığımızı məhdudlaşdıran şeylər, azadlıq hesab etdiyimiz şeylərin özü olur.
© Murad Məmmədov ( Məni instagramda izlə )
Murad Mammadov 